Archive for category: Novas

Civis Global ejecutará las obras de mejora del viario de Chapela

11 Agosto, 2023/in Novas, Portadas /by Puntoga

01.06.2023. Civis Global realizará las obras del viario en Chapela (Redondela) por un presupuesto total de 2,65 millones de euros. Las labores se centrarán en realizar una reposición y mejora del viario local en caminos y accesos del entorno de las obras de ampliación de la capacidad de la AP-9 llevada a cabo entre los años 2015 y 2017. El ámbito de actuación, en el contorno de la autopista entre los kilómetros 149 y 152, se sitúa en el municipio de Redondela, donde se encuentran los enlaces de O Morrazo y Teis.

Las obras tienen previsto su inicio en julio, con un plazo de ejecución de 9 meses. Entre las mejoras, se incluyen las siguientes actuaciones:

Ampliación de la estructura de paso sobre la AP-9 que da acceso al núcleo de San Vicente de Trasmañó y mejoras de las sendas adyacentes. Se instalará una estructura metálica en voladizo en el margen derecho, creando una zona peatonal de 1,5 metros de ancho y ampliación del ancho disponible para el tráfico rodado.
Renovación del saneamiento y rehabilitación del Camiño Mouriño, situado en el margen izquierdo de la Avenida de Redondela (carretera N-552), bajo la estructura sobre la que discurre la autopista.
Mejoras en el Camiño da Igrexa y Rúa Pasán, viales que discurren paralelos a la AP-9. Construcción de las redes de abastecimiento, pluviales y alumbrado, renovación de pavimiento de la calzada y de dos parques infantiles de la zona.

Todas las obras están recogidas en la denominada adenda al convenio entre la Administración General del Estado y la concesionaria Autopistas del Atlántico SA, aprobada por Real Decreto 1359/2018, de 29 de octubre.

Imagen: Punto GA | M.Riopa.

O tráfico da Autoestrada do Atlántico recupérase tras a Covid

3 Abril, 2023/in Novas /by Puntoga

03.04.2023. Autopistas del Atlántico SA (Audasa) recuperou en 2022 as cifras de tráfico de 2019, tras dous anos marcados polas restricións á mobilidade pola Covid-19. Segundo os datos presentados hoxe á CNMV [Resultados e informe de xestión 2022], a compañía ingresou por peaxes 172 millóns de euros en 2022, un 14,4% máis que o ano anterior.

A mellora de resultados débese ao aumento do tráfico na autoestrada, que supera lixeiramente os niveis pre-Covid. O máximo da intensidade media diaria (IMD) da AP-9 acadouse no ano 2007 con 27.029 vehículos, o que supón que en 2022 se rexistraran 2.468 vehículos ao día menos, un 9,1% por debaixo da IMD de 2007.

O resultado do exercicio sitúase en 66,1 millóns de euros e mellora nun 30% o xerado o ano anterior. O grupo Itínere, do que forma parte Autopistas del Atlántico, destinou integramente os dividendos da concesionaria galega en 2022 a reducir o endebedamento derivado da adquisición ao Estado da Empresa Nacional de Autopistas SA, privatizada en 2003 por un importe de 1.622 millóns de euros. Dende 2003, ano no que Itínere adquiriu a concesión, a matriz non lles distribuíu ningún dividendo aos seus accionistas.

En 2022 Autopistas del Atlántico aportou un total de 59 millóns de euros en impostos e cotizacións sociais: 55,9 millóns polo imposto de sociedades, IVE e IRPF; 2,7 millóns en seguros sociais dos seus empregados; e 0,4 millóns por IBI e IAE ás administracións locais.

A compañía incrementou o seu cadro de persoal medio un 1,7% ata os 233 profesionais, con maior presenza feminina, que se sitúa no 43% (en 2021 era do 40%). O diñeiro dedicado a actuacións e melloras na autoestrada aumenta nun 15%, ata os 6,1 millóns de euros durante o exercicio, incluíndo os investimentos e as accións medioambientais.

A AP-9 rexistra unha boa evolución dos clientes que abonan as peaxes con dispositivos de telepeaxe (Vía T), que medran ata o 69,5% de todas as viaxes de 2022. Autopistas del Atlántico tamén incrementou nun 22% a cifra que dedica a bonificar os seus clientes (un 25% en traxectos de ida e volta), aportando 6,8 millóns de euros en descontos comerciais en 2022 e que se suman ás bonificacións aportadas polo Estado.

Imaxe: Punto GA | M.Riopa.

O Ministerio actualiza as tarifas da AP-9 para 2022

25 Xaneiro, 2022/in Novas, Portadas /by Puntoga

25.01.2022. O Ministerio de Transportes, Mobilidade e Axenda Urbana aproba a actualización das tarifas das autoestradas dependentes da Administración Xeral do Estado, que inclúen no caso da AP-9 unha suba do 2,99% a aplicar a partir do 1 de xaneiro de 2022. As peaxes aprobadas polo Goberno para 2022, que se sitúan por debaixo do IPC fixado en novembro de 2021 (5,2%), inclúen o incremento extraordinario (1%) derivado das obras de ampliación da circunvalación de Santiago de Compostela e da Ponte de Rande, que foron financiadas integramente por Autopistas del Atlántico.

Autopistas del Atlántico aplica dende o 29 de xullo de 2021 as bonificacións fixadas polo Ministerio de Transportes para reducir o custo das peaxes da AP-9 e fomentar o uso das infraestruturas, eixo de comunicación e desenvolvemento económico de Galicia. Estes descontos inclúen, entre outros, a gratuidade todos os días dos percorridos de volta realizados con Vía-T en 24 horas dende o pago do percorrido de ida. Os vehículos pesados teñen un 20% de desconto en todos os tramos todos os días do ano e acceso gratuíto dende Redondela. Podes consultar os descontos dispoñibles aquí.

Os quilómetros de circunvalación da AP-9 nas cinco grandes cidades galegas son de libre circulación. Trátase de seis tramos de 37 quilómetros de autoestradas sen peaxe: Fene-Ferrol (9,1 km), Teis-Vigo (5 km.), Teis-Puxeiros (11,7 km.), Pontevedra Norte-Sur Pontevedra (3,16 km.), Santiago norte-Santiago sur (7,7 km.) E A Coruña-A Barcala (5,1 km.).

A intensidade media diaria (IMD) situouse en 22.368 vehículos ata novembro de 2021, o que supón un incremento do 27,5% con respecto ao mesmo período de 2020 e do -8,3% con respecto a 2019.

Consulta aquí as tarifas 2022 da AP-9

Autopistas del Atlántico, coas últimas innovacións en mobilidade

24 Novembro, 2021/in Novas, Portadas /by Puntoga

[:]

24.11.2021. Autopistas del Atlántico colabora na Xornada ITS Galicia 2021, que se celebra o 25 de novembro no Museo Domus da Coruña. Este encontro, organizado pola Asociación de Novas Tecnoloxías no Transporte (ITS, das súas siglas en inglés), supón a cita anual para dar a coñecer as últimas novidades en sistemas e solucións aplicadas á mobilidade de persoas e mercadorías para mellorar a súa eficiencia, sustentabilidade e seguridade.

Mobilidade conectada, ITS nas estradas galegas e zonas de baixas emisións en Galicia son os tres eixos principais sobre os que se desenvolverá este encontro e no que participarán representantes dos sectores público, privado e académico relacionados cos sistemas de transporte intelixentes.

A investigación en mobilidade conectada permite, ademais da consecución da condución autónoma, a mellora da seguridade viaria, a xestión do tráfico e a mellora ambiental.

[:]

Autopistas del Atlántico, contra a violencia de xénero

23 Novembro, 2021/in Novas, Portadas /by Puntoga

[:]

23.11.2021. Autopistas del Atlántico colabora no V Certame Escolar contra a Violencia de Xénero de Fotografía e Vídeo, organizado pola Subdelegación do Goberno en Pontevedra. O obxectivo do certame está enfocado a desenvolver a sensibilidade dos mozos, a través da creación artística, ante todas as formas de violencia contra as mulleres. Este proxecto está dirixido ao alumnado de todos os centros de ensino de Formación Profesional, ESO e Bacharelato da provincia de Pontevedra.

A entrega de premios terá lugar na Subdelegación do Goberno en Pontevedra (24 de novembro de 2021 ás 13.00 horas), con motivo da conmemoración do Día Internacional contra a Violencia de Xénero. O alumnado premiado poderá asistir ao acto acompañado dunha persoa (titor/a legal ou profesorado do centro).

Os premios de cada unha das categorías van dende ordenadores portátiles ata cupóns por valor de 100 euros. As obras foron presentadas de forma anónima para garantir a imparcialidade do proceso. O Xurado estivo composto por profesionais da fotografía e do vídeo, así como expertos en materia de violencia de xénero e a igualdade.

A temática deste ano estivo dedicada á violencia vicaria, aquela que se exerce sobre persoas que teñen un significado especial para as mulleres, como os seus fillos.

[:]

Unha AP-9 máis verde

19 Novembro, 2021/in Novas, Portadas /by Puntoga

[:]

19.11.2021. Autopistas del Atlántico renovou ata 2028 os seus certificados internacionais en xestión ambiental (ISO 14001), calidade e saúde no traballo (ISO 45001) e xestión da calidade (ISO 9001). A Organización Internacional de Normalización ou ISO (International Organization for Standarization das súas siglas en inglés), a través de Aenor (Asociación Española de Normalización e Certificación), é a entidade encargada de certificar os estándares de calidade nas empresas. O obxectivo das normas ISO é establecer niveis recoñecidos de calidade, eficiencia e cumprimento de seguridade por parte das compañías.

A ISO 45001 avala os protocolos da concesionaria galega na súa xestión de riscos laborais, na prevención de lesións dos seus profesionais e na configuración de lugares de traballo seguros e saudables. A ISO 14001 certifica que Autopistas del Atlántico é unha empresa responsable coa protección do medio ambiente. A norma ISO 9001 é o modelo máis utilizado nas relacións entre o cliente e o provedor, xa que que lles permita demostrar a súa capacidade para satisfacer as necesidades dos seus usuarios.

[:]

Simulacro no túnel do Sartego

11 Novembro, 2021/in Novas, Portadas /by Puntoga

11.11.2021. O Ministerio de Transportes, Mobilidad e Axenda Urbana realiza esta noite (entre as 23.00 horas do 11 de novembro e as 02.00 horas do 12 de novembro) un simulacro de emerxencia no túnel do Sartego na AP-9, nos concellos de Fene e Neda (A Coruña), que suporá o desvío para o tráfico entre os puntos quilométricos (PK) 27F e 31F. O obxectivo do simulacro é avaliar a coordinación de todos os equipos implicados (protección civil, servizos de emerxencias, garda civil, responsables de túneles, etc.), nun caso realista no que se debe extinguir un incendio e evacuar os usuarios do seu interior.

Os vehículos que circulen por ambas vías desviaranse dende a autoestrada ata o enlace correspondente, mediante un enlace provisional de tráfico debidamente sinalizado.

A lexislación sobre requisitos de seguridade nos túneles do Estado esixe que o persoal de xestión do túnel e os servizos de emerxencia, en colaboración co responsable de seguridade e cos organismos competentes de protección civil, organicen simulacros periódicos conxuntos.

Desvíos de tráfico

A circulación polo túnel do Sartego verase afectada en ambos os sentidos entre os cruces de Fene (PK 27 F) e Neda (PK 31 F). Para os vehículos que circulan en sentido decrecente, destino A Coruña, a vía alternativa é a nacional N-651 á que se pode acceder dende os enlaces da AP-9 F de Freixeiro (PK 34F), Couto (PK 33F) e Neda (PK 31F). Para os que circulen en sentido crecente, destino Ferrol, a ruta alternativa é a estrada N-651, á que se pode acceder pola AP-9 Fene (PK 27F) e Vilar de Colo (PK 25F ).

Premio ‘Galicia Enerxía’ para a nova iluminación de seguridade de Rande

29 Outubro, 2021/in Novas, Portadas /by Puntoga

[:]

29.10.2021. Autopistas del Atlántico SA vén de recibir un novo premio polas obras da ampliación da ponte de Rande. Trátase dos VIII Premios Galicia de Enerxía, que concede a Asociación de Enxeñeiros Industriais de Galicia. A concesionaria galega acadou o galardón ao mellor proxecto de iluminación de seguridade e tráfico e balizamento aéreo.

O novo sistema de luces de seguridade substituíu as farolas tradicionais por un sistema que ilumina o taboleiro da ponte, ofrecendo unha maior seguridade e visibilidade aos vehículos que circulan pola ponte, así como a todo o tráfico aéreo que sobrevoa a ría de Vigo.

Os Premios Galicia Enerxía celébranse de xeito ininterrompido dende 2014 para galardoar aos mellores proxectos e prácticas en materia enerxética promovidos na Comunidade Autonómica.

En representación de Autopistas del Atlántico, a directora facultativa das obras de ampliación da ponte de Rande, Ana Fernández, e o xefe do equipo de electricidade, Carlos Míguez, recolleron o pasado venres 22 de outubro o premio, que se entregou na gala que se celebrou no Pazo da Merced de Neda (Ferrol).

O recoñecemento da Asociación de Enxeñeiros Industriais de Galicia súmase ao outorgado pola Asociación Internacional de Pontes e Enxeñaría de Estruturas (IABSE, nas súas siglas en inglés), que o calificou en 2019 como a segunda mellor ponte do mundo. A ampliación da ponte de Rande tamén recibiu o premio ITS 2019 e o premio Acueducto de Segovia. Todas as distincións subliñan a singularidade, innovación e respecto ao medio ambiente das obras de ampliación de Rande e tamén o complexo sistema de coordinación que permitiu realizar as obras sen cortar a circulación de vehículos.

[:]

Novas bonificacións na AP-9

28 Xullo, 2021/in Novas, Portadas /by Puntoga

28.07.2021. Autopistas del Atlántico aplica dende o 29 de xullo de 2021 ás 00.00 horas as bonificacións aprobadas polo Ministerio de Transportes, Mobilidade e Axenda Urbana (MITMA) para rebaixar o custo das peaxes da AP-9 e incentivar o uso da infraestrutura, un eixo para a comunicación e o desenvolvemento económico de Galicia.

A nova política de descontos, financiada polo Ministerio de Transportes, estará operativa ata a finalización da concesión en 2048.

DESCONTOS PARA VEHÍCULOS LIXEIROS CON TELEPEAXE EN TODA A AP-9, TODOS OS DÍAS DO ANO PARA AS VIAXES EN 24 HORAS

Para gozar das bonificacións aplicables a vehículos lixeiros é requisito necesario que se empregue como sistema de pago e control de paso pola autoestrada a telepeaxe.

Para poder aplicar os descontos, o Vía-T debe estar operativo, correctamente colocado no seu soporte no interior do vehículo e con saldo.

Bonificación do percorrido de volta

Vehículos lixeiros con Vía-T:

Viaxe de volta gratis sempre e cando o vehículo lixeiro pase con Vía-T pola estación de peaxe de destino no prazo máximo de 24 horas dende o pago do percorrido de ida, calquera día da semana, festivos incluídos. O percorrido de ida debe ser igual ao de regreso, pero en sentido contrario.

Desconto adicional no tramo Vigo-Tui (percorridos Puxeiros-Porriño, Porriño-Tui e Puxeiros- Tui, en ambos sentidos):

Vehículos lixeiros con Vía T:

Desconto do 50% no percorrido de ida, sempre e cando o vehículo lixeiro pase con Vía-T pola estación de peaxe de destino no prazo máximo de 24 horas dende o pago do percorrido de ida, calquera día da semana, festivos incluídos. Os percorridos deben ter a mesma orixe e destino en sentido contrario. É dicir, a orixe da ida debe ser o destino da volta e viceversa. En total, o desconto será do 50% no traxecto de ida e do 100% na viaxe de volta.

Gratuidade no tramo Vigo-Redondela (percorridos Rande-Vigo, Vigo-Redondela):

Vehículos lixeiros con Vía T:

Bonificación do 100% dos traxectos de ida e volta, sempre e cando o vehículo pase con Vía-T pola estación de peaxe de destino no prazo máximo de 24 horas dende o pago do percorrido de ida, calquera día da semana, festivos incluídos. Os percorridos teñen o mesmo par orixe/destino da autoestrada e sentido contrario de circulación.

Desconto para clientes frecuentes

Vehículos lixeiros con Vía T:

Rebaixa do 20% en todos os percorridos realizados nun mes, a contar dende o percorrido inicial, para aqueles vehículos que realicen 20 ou máis desprazamentos no devandito período.

A efectos de contabilización dos «desprazamentos»:

Enténdese como «desprazamento» o conxunto de todos os percorridos de pago realizados nun mesmo día nun sentido de circulación.
Terase en conta como máximo un «desprazamento» ao día por cada sentido da circulación.
Non se terán en conta os percorridos realizados nos tramos libres de peaxe ou con peaxe en sombra.

Ao final do mes, realizarase un abono polo importe correspondente ao 20% de todos os percorridos realizados con Vía-T, a contar dende o primeiro percorrido realizado no mes. A visualización dos cargos e abonos dependerá da entidade emisora do dispositivo Vía-T.

Os «desprazamentos» conseguidos non se acumulan, senón que cada mes que comeza, o contador de «desprazamentos» reiníciase a cero. O desconto para clientes frecuentes é compatible co resto das bonificacións para vehículos lixeiros.

Se non se utiliza a telepeaxe como medio de pago, o dispositivo non está operativo, non ten saldo ou non está correctamente colocado no seu soporte no interior do vehículo, aplicaranse as tarifas aprobadas para a autoestrada sen dereito a bonificación algunha.

Revisa como debes levar correctamente colocado o teu dispositivo Vía-T aquí.

BONIFICACIÓNS PARA VEHÍCULOS PESADOS

Desconto do 20% sen condicións en todos os tramos: os vehículos pesados benefícianse dunha rebaixa do 20% en todos os tramos da autoestrada, todos os días da semana e para calquera medio de pago. O desconto realizarase de forma automática no momento do pago na estación de peaxe e redondéase aos 0 ou 5 céntimos.

Gratuidade no acceso dende Redondela: bonificación do 100% dos percorridos internos no tramo Redondela-Vigo (orixe/destino Rande-Vigo) en ambos sentidos, incluído o acceso ao porto de Vigo.

Autopistas del Atlántico continuará financiando o desconto do 25% no percorrido de retorno aplicable a vehículos lixeiros que realicen a viaxe de ida e volta no mesmo día, en días laborables de luns a sábado e que empreguen a telepeaxe como método de pago.

Mantense a gratuidade para os clientes nos tramos Vigo-O Morrazo (ida e/ou volta) e A Coruña-A Barcala (ida e/ou volta) así como nos 36,7 quilómetros de tramos gratuítos das circunvalacións de Vigo, Pontevedra, Santiago e Ferrol.

A AP-9 reduce o tráfico nun 28% e a facturación sitúase en 128M€

29 Abril, 2021/in Novas, Portadas /by Puntoga

29.04.2021. Autopistas del Atlántico SA (Audasa) presenta na súa conta de resultados de 2020 unha facturación de 127.9 millóns de euros, nun exercicio marcado polas restricións á mobilidade derivadas da pandemia do coronavirus e a sentenza xudicial que restablecía o sistema de peaxe en sombra de 2006. O tráfico da AP-9 diminuíu nun 28,1%, alcanzando o seu mínimo histórico no mes de abril, durante o confinamento domiciliario, cunha media de 5.440 vehículos diarios. A intensidade media diaria (IMD) da autoestrada, incluíndo os tramos de peaxe e gratuítos, descendeu ata os 17.546 vehículos/día, a máis baixa desde que se rematou en 2004 o seu trazado entre Ferrol e Tui.

O 19 de febreiro de 2020, o Tribunal Supremo decretou a nulidade do Real Decreto 803/2017 que regulaba o abono á concesionaria dos percorridos libres de peaxe para os usuarios dos tramos A Coruña-A Barcala e Vigo-O Morrazo, restableceu a vixencia do Real Decreto 633/2006 e recoñeceu o dereito de Audasa a que se lle resarzan os prexuízos causados pola implantación en 2017 do novo sistema de retribución da peaxe en sombra.

Como consecuencia deste fallo xudicial, os ingresos de peaxe incrementáronse de forma extraordinaria en 2020 en 16,6 millóns de euros (11,5 millóns de euros corresponden a xullo de 2017-decembro 2019 e 5,1 millóns de euros ao exercicio 2020). De non considerar devanditos ingresos extraordinarios, o beneficio diminuiría un 48,9%, en relación a 2019.

O grupo Itínere, do que forma parte Audasa, destinou integramente os dividendos da concesionaria galega en 2020 a reducir o endebedamento derivado da adquisición ao Estado español da Empresa Nacional de Autoestradas SA (privatizada en 2003 por importe de 1.622 millóns de euros). Dende 2003, ano no que a concesión está en mans de Itínere, a compañía non distribuíu ningún dividendo aos seus accionistas.

A Autoestrada do Atlántico rexistrou en 2020 un 51% de tránsitos gratuítos, un 33% en tramos libres de peaxe e un 18% en tramos con peaxe en sombra. Os tránsitos de pago foron abonados no 93,7% das viaxes a través de vías non manuais. Dende o inicio da crise da Covid-19, a concesionaria priorizou este sistema como medida de seguridade para usuarios e empregados, ademais doutras accións como a desinfección da autoestrada, as áreas de descanso e os postos de peaxe.

[:]

Nota de prensa

Presentación de resultados 2020