Archive for category: Novas

Que vehículos están exentos de pagar peaxe na Autoestrada do Atlántico?

18 Setembro, 2019/in Novas /by Puntoga

18.09.2019. Cada mes rexístranse 8 millóns de viaxes de vehículos exentos de peaxe na Autopista do Atlántico (AP-9), segundo os datos de xaneiro-agosto de 2019. O tipo de vehículos exento de peaxe son os correspondentes ás forzas armadas, corpos e forzas de seguridade (corpo nacional de policía e garda civil) e servizos contra incendios (bombeiros). As devanditas exencións practícanse sempre e cando o vehículo obxecto de peaxe poida ser identificado como vehículo oficial, ben de forma visual, ben coa presentación da súa documentación no caso de vehículos non rotulados. Se non se aporta a documentación do vehículo ou este non é un vehículo oficial, solicítase o pago da peaxe. Se o conductor se nega a realizar o pagamento, deberá cumprimentar e asinar un documento existente en peaxe de recoñecemento de paso.

O segundo grupo de exención corresponde ás policías locais e ás forzas de seguridade das comunidades autónomas: a exención de peaxe cínguese aos traxectos realizados no ámbito territorial da súa competencia e, fóra del, só cando exerzan funcións de protección de autoridades públicas ou de emerxencia, sempre que os seus servizos foran requeridos previamente polas autoridades correspondentes.

No terceiro grupo de exención están as ambulancias, os vehículos ao servizo das autoridades xudiciais, de emerxencia ou protección civil, os vehículos da propia explotación e inspección de estradas, así como os vehículos da explotación e conservación de equipamento para a xestión, control e vixilancia do tráfico. Este grupo de colectivos están exentos do pagamento de peaxe sempre e cando estean a cumprir as súas respectivas «funcións específicas», que deberán xustificar documentalmente.

Con todo, en casos de emerxencia nos que o vehículo obxecto da peaxe leve activadas as sereas e luces de emerxencia, facilítase o paso.

No caso das ambulancias, as discrepancias existentes entre un e outro sector empresarial sobre a aplicación da exención de peaxe xorde, entre outros motivos, como consecuencia da redacción do artigo 23 da nova Lei de Estradas de 2015, que non define o que se entende pola expresión «funcións específicas». Á espera de que se resolva xudicialmente a anterior controversia e, co obxectivo de optimizar os servizos das compañías de ambulancias nos seus percorridos polas autoestradas de peaxe, en marzo deste ano, as principais sociedades concesionarias e as asociacións de empresas de ambulancias máis representativas subscribiron un convenio no que se acordou unha exención do 80% do importe da peaxe aplicable ás ambulancias, con renuncia recíproca á reclamación de calquera compensación pola forma e condicións en que se aplicou tal desconto ata a resolución da controversia.

Clica aquí para obter máis información sobre o acordo de interpretación dos contratos de concesión de autoestradas de peaxe aprobado polo Consello de Ministros.

Autoestradas do Atlántico renova 5 accesos da circunvalación de Vigo en 10 noites

14 Setembro, 2019/in Novas, Portadas /by Puntoga

14.09.2019. Autoestradas do Atlántico mellora 5 accesos na circunvalación de Vigo, coa renovación do firme nos enlaces de Puxeiros e Teis. A concesionaria da Autoestrada do Atlántico realizará as obras pola noite, nas noites de menos impacto no tráfico, entre o domingo 15 de setembro e o mércores 2 de outubro. As obras, desvíos e modificacións da circulación están coordenadas pola Dirección General de Tráfico (DGT) e a Dirección General de Carreteras (DGC), xunto con Autoestradas do Atlántico.

As obras de renovación comezarán na noite de mañá domingo 15 no enlace de Puxeiros (entre as 00.00 horas e as 6.00h do luns), co corte do ramal de entrada á AP-9 sentido Teis para o tráfico procedente da A-55 dende O Porriño; a noite do luns 16, cortarase o ramal de entrada á AP-9 dirección VG-20 para o tráfico procedente da A-55 dende O Porriño; e a madrugada do martes 17 será o turno do ramal de saída da AP-9, para o tráfico procedente de Teis dirección A-55 Vigo.

A madrugada do domingo 22 ao luns 23 (de 00.00 horas a 6.00h do luns) córtase o ramal de saída da AP-9 para o tráfico procedente de Puxeiros con dirección Vigo; anoite do luns 23 ao martes 24 (de 22.00 horas do luns a 6.00h do martes) córtase o ramal de saída da AP-9 para o tráfico procedente de Puxeiros con dirección Vigo; a madrugada do martes 24 ao mércores 25 (de 22.00 horas do martes a 6.00h do mércores) córtase o ramal de saída da AP-9 para o tráfico procedente de Puxeiros con dirección Vigo. Do 22 ao 25 estará cortada a saída de Puxeiros cara Vigo. A noite do mércores 25 ao xoves 26 (de 22.00 horas do mércores a 6.00h do xoves), córtase o ramal de entrada da AP-9 para o tráfico procedente de Vigo con dirección Puxeiros. A oite do xoves 26 ao venres 27 (de 22.00 horas do xoves a 6.00h do venres) córtase o ramal de entrada da AP-9 para o tráfico procedente de Vigo con dirección Puxeiros; a noite do luns 30 ao martes 31 (de 22.00 horas do luns a 6.00h do martes) córtase o ramal de entrada da AP-9 para o tráfico procedente de Vigo con dirección Puxeiros. Do 25 ao 27 e do 30 ao 31 estará cortado o ramal Vigo-Puxeiros.

En outubro, a noite do martes 1 ao mércores 2 (de 22.00 horas do luns a 6.00h do martes) córtase o ramal de saída da AP-9 para o tráfico procedente de Puxeiros con dirección a Vigo. O 1 e 2 de outubro córtase de novo a saída de Puxeiros a Vigo para execución de xuntas.

Todos os cortes do tráfico produciranse en horario nocturno, entre as 24.00 h e as 6.00 horas (en noites de domingo a luns) e dende as 22.00 horas en días laborables. As obras e cortes inclúen o establecemento e sinalización de rutas alternativas en coordenación coa DGT e a DGC, que informarán delas nos paneis móbiles dispostos no entorno de cada tramo. As rutas poden consultarse tamén na páxina web da DGT.

Autoestradas do Atlántico renovará estes meses o firme de 13 kilómetros de vía na provincia de Pontevedra. A continuación, está previsto que a campaña de renovación do firme continúe na zona norte da autoestrada (A Coruña-Ferrol) ata finais de outubro, onde se renovarán 10,8 kilómetros de asfalto.

O plan de conservación, mellora e seguridade da Autoestrada do Atlántico para este ano supón unha inversión por parte de Audasa de 8 millóns de euros.

Grobas e Purre reciben en Vigo os premios de fotografía Autoestrada do Atlántico 2019

13 Setembro, 2019/in Novas, Portadas /by Puntoga

13.09.2019. Ricardo Grobas, como mellor fototografía profesional, e Álvaro Rodríguez Purre, como mellor fotografía de aficionado, recibiron hoxe en Vigo os premios Autoestrada do Atlántico 2019. As imaxes de ambos fotógrafos e outros 23 seleccionados exhíbense ata fin de mes no centro cultural La Nacional de Nova York, aínda que unha reprodución das dúas imaxes gañadoras forman parte da exposición ao aire libre da rúa do Príncipe de Vigo, inaugurada polo Colexio de Enxeñeiros de Camiños, Canais e Portos de Galicia.

Grobas e Purre recolleron as súas distincións e premios en metálico polo importe de 4.000 euros, outorgados por Autoestradas do Atlántico e entregados hoxe pola conselleira de Infraestructuras e Mobilidade da Xunta de Galicia, Ethel Vázquez, e polo alcalde de Vigo, Abel Caballero. O acto de entrega dos premios realizouse durande a presentación da exposición Rande, unha ponte entre dous séculos, organizada polo Colexio de Enxeñeiros de Camiños, Canais e Portos de Galicia, que se exhibe na rúa do Príncipe ata o 18 de setembro (ante o Museo de Arte Contemporánea de Vigo).

Rande, unha ponte entre dous séculos resume en imaxes na rúa a historia da ponte que cruza a ría de Vigo dende a súa concepción ata a actualidade. A mostra inclúe bocetos, planos, imaxes históricas e as fotografías gañadoras do premio Autoestrada do Atlántico.
Tras a súa ampliación, a ponte de Rande é o tramo máis transitado de toda a AP-9, con máis de 22 millóns de vehículos de tráfico nos últimos 12 meses.

Abre o novo colexio de Redondela, construido pola Autoestrada do Atlántico

11 Setembro, 2019/in Novas, Portadas /by Puntoga

11.09.2019. O cento de alumnas e alumnos do CEIP Cidadelle de Chapela (Redondela) inauguran hoxe o seu novo colexio, financiado íntegramente por Autopistas del Atlántico S.A. (Audasa). A obra ven de ser entregada polo concesionaria da autoestrada galega ao Concello de Redondela, que a súa vez cede o seu uso á Consellería de Cultura, Educación e Ordenación Universitaria da Xunta de Galicia. A construción da escola, que conta cun terreo de máis de 10.600 metros cadrados cara a ría de Vigo, forma parte do presuposto da ampliación de Autopistas del Atlántico da ponte de Rande, debido á cercanía do antigo colexio coas implementacións de novos carrís de acceso na zona de Chapela (redondela), na ría de Vigo.

O director xeral de Audasa, César Canal Fernández (der) fai entrega da obra á alcaldesa de Redondela, Digna Rivas e ao xefe territorial de Educación da Xunta de Galicia en Pontevedra, César A. Pére

A escola ten unha superficie de 2.460 metros cadrados e conta cunha pista deportiva de 1.056 metros cadrados así como espazos exteriores urbanizados, entre os que se inclúen un parque infantil e unha zona de xogos para as nenas e nenos.

O orzamento global do proxecto, concibido polo arquitecto Alfredo Díaz Grande, ascende a 4,6 millóns de euros, dos que 3,6 millóns foron destinados á construción do edificio e 1 millón á compra dos terreos.

O presuposto total investido por Autopistas del Atlántico no proxecto de ampliación da ponte de Rande foi de 191,6 millóns de euros.

La Nacional inaugura en Manhattan a exposición fotográfica sobre a ponte de Rande

5 Setembro, 2019/in Novas, Portadas /by Puntoga

05.09.2019. Autoestradas do Atlántico SA (Audasa) inaugurou onte no centro cultural La Nacional de Manhattan (Nova York) a exposición fotográfica Rande: ponte sobre o refuxio do capitán Nemo. 25 miradas contemporáneas sobre o símbolo dun lugar mítico. A mostra inclúe as mellores imaxes participantes no Premio de Fotografía Autoestrada do Atlántico que poderán verse en Nova York ata o 14 de setembro. A exposición coincide coa celebración na cidade neoyorquina do Congreso Anual da Asociación Internacional de Pontes e Enxeñaría Estrutural (IABSE), que onte premiou a ampliación da ponte de Rande como a segunda mellor ponte do mundo. A mostra chegará nos próximos meses a varias cidades galegas.

Rande: ponte sobre o refuxio do capitán Nemo reivindica Rande coma un lugar clave para a literatura, a música ou a arte e, agora, tamén para a enxeñaría. A ampliación da ponte é considerada coma un hito da enxeñaría ao tratarse da primeira vez que se amplía unha ponte atirantada de gran luz, mantendo un tráfico diario de 60.000 vehículos durante os 16 meses de obras.

As fotografías, de profesionais e afecionados, foron selecionadas polo xurado a partir das presentadas ao concurso. A exposición está encabezada por Niebla 2 de Ricardo Grobas Antúnez e Cruzando la ría, de Álvaro Rodríguez Pérez Purre: imaxes gañadoras nas categorías profesional e aficionado, respetivamente, do premio fotográfico convocado o pasado mes de xullo por Autoestradas do Atlántico para divulgar a imaxe máis moderna de Galicia. A mostra realízase en colaboración con La Nacional – Spanish Benevolent Society of NYC, a entidade cultural máis antiga e unha das de maior prestixio da cidade neoiorquina e considerada o corazón español en Manhattan.

Ademais das dúas fotografías gañadoras, a mostra inclúe imaxes de Alberto Vázquez Fernández, Marta G. Brea, Yovanna Otero Martínez, Óscar Pinal Rodríguez, Xoan A. Soler, Eliana García Fianjo, Juan Rodríguez Goberna, Luis Dobarro Lores, José Manuel Folgueira Vázquez, José Luis Oya Gayo, Brais Lourenzo Couto, Roberto Alonso Lago, Cristina Mouriño Regueira, Carlos Figueirido Filgueira, Samuel González Soliño, Amador Lorenzo Blach, María Teresa Sotelino Barreiro e Andrés López Díaz.

A ampliación de Rande recibe en Nova York o premio á segunda mellor ponte do mundo

4 Setembro, 2019/in Novas, Portadas /by Puntoga

04.09.2019. A obra de ampliación da ponte de Rande (na ría de Vigo), a primeira no mundo realizada nunha ponte atirantada a gran luz, recibiu hoxe en Nova York o premio á segunda mellor ponte do mundo. A obra pertence á Autoestrada do Atlántico, que conecta Galicia entre a fronteira con Portugal e Ferrol, e pertence ao Estado español. A ampliación da ponte sobre a ría de Vigo superou á ponte de Mukogawa, na prefectura de Hyogo (Xapón), calificada co terceiro premio. O primeiro premio foi para a ponte de Mersey Gateway, en Liverpool (Reino Unido).

O premio á ampliación da ponte de Rande foi outorgada pola Asociación Internacional de Pontes e Enxeñaría Estrutural (IABSE, nas súas siglas en inglés), que valorou a complexidade de ampliar unha ponte de autoestrada sen cortar a súa circulación e mantendo unha media diaria de tráfico de 60.000 vehículos durante as obras (2016-17). O premio foi recollido por Javier Herrero Lizano, director xeral de Carreteras del Estado do Ministerio de Fomento; Juan Carlos López Verdejo, director de Operacións de Itínere; César Canal Fernández, director xeral da Autoestrada do Atlántico (Audasa), empresas concesionarias da autopista; Álvaro Serrano de MC2 Ingeniería, estudo de enxeñaría do proxecto de ampliación; así como representantes de Dragados e Puentes Calzados, compañías encargadas de desenvolver a obra de ampliación. O galardón foi entregado no congreso anual internacional que IABSE celebra esta semana en Nova York, como a Mellor Estrutura (Outstanding Structure Award u OSTRA polas súas siglas en inglés).

Trátase do terceiro gran premio internacional recibido pola Autoestrada do Atlántico nun ano e medio, tras ser galardoada co ITS 2019, tamén pola ampliación da ponte de Rande, pola coordinación técnica dos traballos sen interromper o tráfico; e co premio Acueduto de Segovia 2018 outorgado polo protocolo medioambiental para protexer a lámina de auga da ría de Vigo durante as obras. A ponte de Rande é a infraestrutura moderna máis premiada de Galicia.

A ponte de Rande comunica a maior cidade de Galicia, cruzando a ría de Vigo a través dunha ponte atirantada construida en 1981. Tras a ampliación, con dous carrís máis (tamén atirantados), o tráfico medrou sensiblemente, alcanzando en verán os 70.000 behículos/día. Este ano superará os 22 millóns de automóbiles, sendo o tramo máis transitado da AP-9 (Tui-Ferrol) A ponte de Rande é unha infraestrutura que forma parte da autoestrada AP-9, titularidade do Ministerio de Fomento e xestionada en réxime de concesión administrativa por Audasa. As obras de ampliación da ponte de Rande realizáronse completamente dende o mar, con sistemas deseñados específicamente para as características da ponte e mantendo o tráfico e actividade da infraestrutura. Os traballos desenvolvéronse durante 16 meses (agosto 2016-decembro 2017), cunha inversión de 191,6 millóns de euros, asumidos íntegramente por Autoestradas do Atlántico SA.

A Autoestrada do Atlántico, un fenómeno vertebrador en Galicia

26 Agosto, 2019/in Novas /by Puntoga

O premio de fotografía Autoestrada do Atlántico recibiu, ao longo do mes de xullo, un total de 169 fotografías participantes na primeira edición do certame, que tiña como obxectivo poñer en valor a imaxe de Galicia a través do fenómeno vertebrador da Autoestrada do Atántico.

As imaxes participantes trazan un percorrido singular pola paisaxe, a economía e a vida galega.

14 fotografías de fotógrafos profesionais e afecionados destacaron a pesca como elemento dinamizador da economía galega, que se reflicte nestas imaxes concursantes no premio. Outros optaron por retratar pequenos recunchos da Ría de Vigo que amosan a paisaxe galega máis tradicional, esceas do día a día como un chapuzón coa Ponte de Rande ao frente, unha pequena excursión para contemplar a paisaxe ou mesmo a roupa tendida sobre a ría. Tampouco faltaron imaxes dos grandes acontecementos que marcaron a historia da ponte coma a Volta Ciclista a España cruzando Rande.

En definitiva, 169 imaxes forman este variado elenco que proclama a imaxe de Galicia aos catro ventos.

166 olladas para a Ponte de Rande

23 Agosto, 2019/in Novas /by Puntoga

A Ponte de Rande foi o motivo central de 166 das 169 imaxes que participaron no premio de fotografía Autoestrada do Atlántico. Fotógrafos e fotógrafas profesionais e aficionados de diferentes puntos da xeografía galega enviaron as súas fotografías ao longo do mes de xullo, nas que a ponte sobre a Ría de Vigo se amosa dende perspectivas tan diversas como sorprendentes.

A Ponte de Rande aparece nas instantáneas que forman parte do certame en todas as súas facetas: en días de sol e de chuvia, en verán e en inverno, cuberta de néboa, na posta de sol, de madrugada, no medio da noite, con tráfico e sen el, ollándoa dende a altura e tamén dende abaixo, profundizando no detalle ou amosando un plano xeral, a cor e en branco e negro.

No eido profesional, destacan as fotografías nocturnas, que suman un total de 21, xunto coas imaxes que amosan a luz da posta de sol sobre Rande (14) e a néboa arrodeando a ponte (8).

Os fotógrafos e fotógrafas aficionadas que participaron no certame decantáronse, na súa maioría, polas fotografías soleadas (48) e tamén se fixaron, en moitos casos, na luz que desprende a infraestrutura ao anoitecer.

As imaxes, todas diferentes mais coa Ponte de Rande coma fío conductor, poñen en valor a Ponte de Rande como fenómeno vertebrador da Autoestrada do Atlántico e fito da enxeñería mundial.

As 25 imaxes seleccionadas no premio Autopista del Atlántico viaxan a Nova York

31 Xullo, 2019/in Novas /by Puntoga

31.07.19. A Autoestrada do Atántico viaxa a Nova York para mostrarse ao mundo a través dunha selección de 25 fotografías elixidas polo xurado do pemio de fotografía Autopista del Atlántico. A mostra inaugurarase en setembro na sala La Nacional Spanish Benevolent Society of NYC, en Manhattan e ten como motivo principal a ponte de Rande.

As imaxes seleccionadas para a exposición foron valoradas polo xurado, formado por profesionais de recoñecido prestixio, por ensalzar Galiza a través do fenómeno vertebrador da Autoestrada do Atlántico, así como tamén polas súas características técnicas e de composición.

As fotografías elexidas para formar parte da mostra son:

Niebla 2, de Ricardo Grobas Antúnez, gañadora do premio na categoría profesional.
Cruzando la ría, de Álvaro Rodríguez Pérez, gañadora do premio na categoría aficionado.
Rande_161004_02, de Alberto Vázquez Fernández.
Surfista entre la niebla en Rande, de Marta García Brea.
Rande_181114_05, de Alberto Vázquez Fernández.
Vuelta Ciclista España por Rande, de Marta García Brea.
Noche en Rande, de Yovanna Otero Martínez.
Rande IV, de Óscar Pinal Rodríguez.
Tirantes, de Xoan Arias Soler.
A62, de Eliana García Fianjo.
Puente de Rande desde el aire, de Juan Rodríguez Goberna.
La guía, de Luis Dobarro Lores.
Iluminando la Ría de Vigo, de José Manuel Folgueira Vázquez.
A64, de Eliana García Fianjo.
Atardecer en Rande, de José Luis Oya Gayo.
With the lights, with the music, very welcome everybody, de Brais Lorenzo Couto.
Nocturnas do novo Rande-2, de Roberto Alonso Lago.
Rande por las ramas, de Cristina Mouriño Regueira.
Asfalto de sal, de Brais Lorenzo Couto.
Morriña imparable, de Carlos Figueirido Filgueira.
Atardecer, de Samuel González Soliño.
Ponte de Rande dende o interior dun vehículo unha tarde de tormenta, de Amador Lorenzo Blach.
In, de María Teresa Sotelino Barreiro.
Un paseo por las nubes, de Álvaro Rodríguez Pérez.
Uniendo pueblos, de Andrés López Díaz.

Podes ver aquí a galería de imaxes.

A Autoestrada do Atlántico convértese na 7ª máis transitada de España

31 Xullo, 2019/in Novas /by Puntoga

Comparativa IMD das autoestradas de peaxe do Estado no 1S de 2019. Datos provisionais de Fomento.

31.07.19. A Autoestrada do Atlántico (AP-9), entre Tui e Ferrol, aumenta os seus niveis de tráfico nun 2,1% no primeiro semestre de 2019 e convértese na séptima autoestrada estatal de peaxe máis transitada de España, das 27 que compoñen a rede actualmente.

A vía galega pechou o primeiro semestre do ano cun total de 23.116 vehículos de intensidade media diaria (IMD), solo por debaixo de tres autoestradas catalanas, dúas madrileñas e unha andaluza e con maior media diaria de tráfico que outras 20 autoestradas de titularidade estatal. O tráfico da AP-9 medrou en 476 vehículos diarios no primeiro semestre, con respecto ao mesmo periodo do ano anterior. Mes a mes, o crecemento foi dun 1,75% en xaneiro; un 2,82% en febreiro; un 1,98% en marzo; 3,29% en abril; 2,74% en maio e 0,19% en xuño.