A néboa e a estrutura de Rande, gañadoras do premio de fotografía

/in , /by

A fotografía Niebla 2, de Ricardo Grobas, premiada na categoría profesional.

29.07.19 A néboa sobre a ponte de Rande e a súa estrutura levan o premio de fotografía Autopista del Atlántico, concedido por Autopistas del Atlántico SA (Audasa). O fotógrafo vigués Ricardo Grobas Antúnez resultou premiado na categoría profesional, pola súa fotografía titulada Niebla 2. O fotógrafo ourensano Álvaro Rodríguez Pérez ‘Purre’ resultou vencedor da categoría afecionado coa fotografía Cruzando la ría. Ademais, o jurado seleccionou 25 fotografías que se exporán o próximo mes de setembro de 2019 en Nova Iork.

A imaxe Cruzando la ría, gañadora categoría afecionado

A imaxe vencedora na categoría profesional, de Ricardo Grobas, mostra a ponte de Rande rodeado de néboa, que tan só deixa á vista parte dos tirantes e un tramo de carreteira, polo que se crea un efecto case fantasmagórico. A foto de Álvaro Rodríguez, gañadora do premio afecionado, deixa a vista a estrutura inferior dos raís da ponte, nos que consegue captar o reflexo da luz do sol na auga. O xurado destacou ambas fotografías, que teñen a ponte de Rande como motivo protagonista, por por en valor a imaxe de Galicia a través do fenómeno vertebrador da Autoestrada do Atlántico, así como tamén polas súas características técnicas e de composición.

O xurado reuniuse na sede de Audasa en A Coruña

Ambas imaxes, que serán premiadas con 2.500 euros na categoría profesional e 1.500 na categoría afecionado, viaxarán en setembro a Nova Iork para exporse na sala La Nacional Spanish Benevolent Society of NYC, en Manhattan. Farano acompañadas doutras 23 seleccionadas polo xurado, da autoría de Alberto Vázquez Fernández, Marta García Brea, Yovanna Otero Martínez, Óscar Pinal Rodríguez, Xoan Arias Soler, Eliana García Fianjo, Juan Rodríguez Goberna, Luis Dobarro Lores, José Manuel Folgueira Vázquez, José Luis Oya Gayo, Brais Lorenzo Couto, Roberto Alonso Lago, Cristina Mouriño Regueira, Carlos Figueirido Filgueira, Samuel González Soliño, Amador Lorenzo Blach, María Teresa Sotelino Barreiro y Andrés López Díaz.

O xurado, formado por Silvia Longueira, xornalista, en representación da Fundación Luis Seoane; Belén Regueira, xornalistas, en representación do Colexio Profesional de Xornalistas de Galicia; Jorge Lens, fotógrafo; Vari Caramés, fotógrafo; Miguel Riopa, fotógrafo; Carlota Pita, enxeñeira, en representación do Colexio de Camiños, Canles e Portos; e Xosé Luis García, xornalista e xestor cultural como secretario do xurado, reunironse na sede de Autopistas del Atlántico SA, en A Coruña, o pasado 22 de xullo, para analizar e valorar cada unha das 169 fotografías presentadas ao premio por parte de afecionados e profesionais da fotografía e de diferentes medios de comunicación galegos.

 

Seis expertos forman parte do xurado do premio Autoestrada do Atlántico

/in /by

O premio de fotografía Autoestrada do Atlántico conta cun xurado do que forman parte seis expertos, tres homes e tres mulleres, nos campos da fotografía, o xornalismo e a enxeñaría.

Silvia Longueira, xornalista e directora da Fundación Luis Seoane; Belén Regueira, xornalista, en representación do Colexio Profesional de Xornalistas de Galicia; Jorge Lens, fotógrafo; Vari Caramés, fotógrafo; Miguel Riopa, fotógrafo; e Carlota Pita, en representación do Colexio de Camiños, Canais e Portos forman o elenco de expertos que, o 22 de xullo se reunirá na sede de Autoestradas do Atlántico SA, en A Coruña, para escoller as dúas fotografías gañadoras do certame e as 25 que formarán parte da exposición en Nova York.

 

O xurado, un a un
Vari Caramés (Ferrol,1953) é fotógrafo profesional. Dende 1980, realizou grande cantidade de exposicións fotográficas e recibiu numerosos premios e distincións, coma o VII Premio Bienal Internacional de Fotografía Contemporánea Pilar Citoler (2013). Dende 1989 ata 2018 publicou un total de 19 obras individuais.

Jorge Lens (Vigo,1967) é fotógrafo licenciado en Comunicación Audiovisual pola Universidade Complutense de Madrid e doutor pola Universidade de Vigo, onde imparte docencia en Técnica Fotográfica e Teoría da Imaxe. Espuxo a súa obra en diversas mostras colectivas como Andar por casa, Centros Culturais de España en Latinoamérica (1998-1999).

Silvia Longueira (Brasilia, 1967) é licenciada en Xeografía e Historia e máster en Medios de Comunicación pola Universidade de A Coruña e La Voz de Galicia. De 2007 a 2019 foi concelleira no Concello de A Coruña e dende 2004 é a directora da Fundación Luis Seoane.

Carlota Pita (Ferrol, 1973) é enxeñeira de Camiños, Canais e Portos pola Escola Técnica Superior de A Coruña e desenvolve a súa labor como Enxeñeiro de Camiños Municipal no Concello de Arteixo. Pita forma parte da xunta directiva do Colexio de Enxeñeiros de Camiños, Canais e Portos.

Belén Regueira (A Coruña,1977) é xornalista licenciada pola Universidade de Santiago de Compostela. Premio Mestre Mateo 2008 á mellor comunicadora polo programa televisivo O País dos Ananos, dende 2009 realiza tarefas de redacción na Radio Galega e colabora con A Nosa Terra.

Miguel Riopa (Campo Lameiro, 1967) é fotoxornalista. Formado na Escola de Arte Mestre Mateo e no CEI, en Santiago de Compostela, traballou como redactor gráfico en diversos xornais como El Mundo ou La Voz de Galicia. Recibiu diferentes premios e distincións, incluído o segundo premio na categoría de Sport Features do World Press Photo en 2018. Actualmente, desenvolve a súa labor na axencia France-Presse.

Xosé Luis García Canido (Vigo, 1967), xornalista e xestor cultural, actuou como coordinador do xurado con voz e sen voto.

As mellores fotos da Autoestrada do Atlántico expóñense en Nova Iork

/in /by

Autoestradas do Atlántico SA (Audasa) convoca o premio de fotografía Autoestrada do Atlántico, para fotógrafos profesionales e afeccionados. As mellores imaxes formarán parte da exposición Rande en Nova Iork, que se inaugurará o 4 de setembro na sala de exposicións A Nacional de Manhattan. O certame coincide coa entrega a Autoestradas do Atlántico e ao Ministerio de Fomento do premio á ampliación de Rande como segunda mellor ponte do mundo en 2019, durante o congreso anual da Asociación Internacional de Pontes e Enxeñaría Estrutural (IABSE).

O premio de fotografía busca poñer en valor a nivel internacional a imaxe de Galicia a través do fenómeno vertebrador da Autoestrada do Atlántico. Poden optar ao premio todo tipo de fotografías históricas ou actuales; publicadas ou inéditas; realizadas por profesionais ou afeccionados que sexan presentadas no prazo e do xeito que se detalla nas bases. As imaxes deberán gardar relación coa Autoestrada do Atlántico. Os participantes deben enviar as súas imaxes (un máximo de 5 por fotógrafo) entre o 2 e o 20 de xullo de 2019 seguindo as bases legais do concurso, que se poden consultar aquí. O fotógrafo profesional gañador recibirá un premio en metálico de 2.500 euros, e o fotógrafo afeccionado que gañe o concurso na súa categoría, recibirá un premio de 1.500 euros.

O xurado, integrado por profesionais de recoñecido prestixio, emitirá o fallo antes do 31 de xullo.

A exposición Rande en Nova Iork realízase en colaboración coa institución cultural máis antigua e unha das de maior prestixio da cidade estadounidense e que ademais foi fundada por españois, A Nacional Spanish Benevolent Society of NYC. A exposición exhibirase posteriormente en varias cidades galegas.

 

Bases de participación

 

Ficha de inscripción

Rande, segunda mellor ponte do mundo en 2019

/in /by

A ponte de Rande vén de converterse na segunda mellor ponte do mundo. Grazas á obra de ampliación, a Asociación Internacional de Pontes e Enxeñaría Estructural (IABSE, nas súas siglas en inglés), outorgoulle esta distinción, que a coloca como finalista dos premios á Mellor Estructura (Outstanding Structure Award ou OSTRA polas súas siglas en inglés), superando á ponte de Mukogawa (Hyogo, Xapón), e tan só por detrás da ponte Mersey Gateway (Liverpool, Reino Unido).

O premio OSTRA 2019 súmase ao Premio ITS 2019, outorgado á ampliación de Rande en abril deste mesmo ano, que recoñeceu a coordinación e o sistema implantado, que permitiu manter os niveis de tráfico durante a obra.

Os premios IABSE e OSTRA á Mellor Estructura recoñecen dende 1998 obras a nivel mundial, destacadas pola súa singularidade, innovación, creatividade, sostibilidade e respecto ao medio ambiente. Os galardóns entregaranse entre o 4 e o 6 de setembro de 2019 en Nova Iork.

EuroRAP califica con sobresaínte a seguridade da Autoestrada

/in , /by

A Autoestrada do Atlántico, AP-9, é unha vía moi segura. Así o indica o informe EuroRAP 2018, elaborado polo Programa de Avaliación de Estradas Europeas (European Road Assessment Programme ou EuroRAP polas súas siglas en inglés), un consorcio europeo financiado pola Comisión Europea e formado por 40 organismos asociados, entre administración públicas ou clubes do automóbil. O estudo, que avalía a accidentalidade nas vías europeas durante 3 anos, define a AP-9 como unha estrada na que existe un risco “moi baixo” de sufrir un accidente grave ou moi grave, o que a sitúa no chanzo de maior puntuación en relación coa seguridade para os vehículos.

Esta análise, na que en España participan o Ministerio de Fomento, a Dirección Xeral de Tráfico e varias administracións autonómicas, identifica os tramos con maior risco de accidentalidade grave ou mortal en función dos vehículos que circulan por eles así como os tramos de maior concetracion de accidentes.

EuroRAP adaptou a metodoloxía de análise que crearan os tres países líderes na estadística de seguridade vial en Europa: Gran Bretaña, Suecia e Holanda. Dende 2002 máis de 25 países europeos aplícana para analizar 240.000 quilómetros de estradas, e ata 80 países de todo o mundo. Os criterios de EuroRAP son tamén utilizados noutros países do mundo, como Estados Unidos e Australia, para analizar as súas redes viarias.

O precio medio da peaxe da AP-9 sitúase en 0,11€ por quilómetro

/in , /by

En 2019, o prezo medio por quilómetro da AP-9 para vehículos lixeiros é de 0,1130 euros. O prezo medio da Autoestrada do Atlántico para 2019 xa inclúe a subida do IPC (como no resto das autoestradas) e tamén o incremento pola amortización das obras de ampliación de Rande e polas obras da circunvalación de Santiago de Compostela, cun 1% adicional.

A AP-9 é transitada, na súa maioría, por vehículos lixeiros, que son aqueles cunha carga máxima non superior a 3,5 toneladas, como a maioría dos coches de uso particular. Este tipo de vehículo supón o 92% do tráfico da AP-9.[:]

Audasa destina 1,4 millóns a previr incendios

/in /by

Autopistas del Atlántico S.A. (Audasa), empresa concesionaria da AP-9, destina máis de 1,4 millóns de euros para a prevención contra os incendios. O plan, que se inicia esta semana e se desenvolve ata agosto, inclúe a limpeza da vexetación que rodea a autoestrada e traballos de tala e poda. Os traballos desenvólvense fundamentalmente de noite con dous equipos de traballo simultáneos para non afectar ao tráfico.

Como medida de precaución, cóntase con tres depósitos de auga ao longo dos 219,6 quilómetros da vía para empregar no caso de incendio e diminuír o tempo e facilitar o traballo dos bombeiros.
O investimento para a prevención de incendios supera nun 3% ao realizado en 2018, no que se trataron máis de 2,6 millóns de metros cadrados ao longo de toda a autoestrada.

Audasa incrementa un 10% os descontos en 2018

/in /by

Autoestradas do Atlántico SA (Audasa) destinou en 2018 un total de 9,8 millóns de euros a descontos e bonificacións comerciais aos seus usuarios, un 10% máis que en 2017. Os clientes da AP-9 que utilizan dispositivos de telepeaxe e realizan o mesmo traxecto de ida e volta pola autoestrada entre semana gozan dun desconto do 25%. Ademáis da bonificación comercial, nos tramos de Vigo-Pontevedra, Pontevedra-Vilaboa, Vigo-Rande e A Coruña-A Barcala o desconto para pagos con telepeaxe é do 100% na viaxe de volta.

Os quilómetros de circunvalación da AP-9 nas cinco grandes cidades galegas tamén son de uso gratuito. Trátase de 6 tramos gratuítos de 37 kilómetros da autoestrada, que rexistran 132.000 viaxes diarias de balde para os usuarios. Os tramos de circunvalación libres de peaxe son Fene-Ferrol (9,1 km), Teis-Vigo (5 km), Teis-Puxeiros (11,7 km), Pontevedra norte-Pontevedra sur (3,16 km) Santiago norte-Santiago sur (7,7 km) e A Coruña-A Barcala (5,1 km).

Entre as tres autoestradas máis seguras de España

/in /by

A AP-9 é a terceira autoestrada máis segura de España entre as da súa categoría de tráfico (20.000 a 30.000 vehículos diarios de media) en índice de accidentes mortais. Cun índice de 0,11, a vía galega atópase un 42% por debaixo da media estatal, segundo os últimos datos oficiais do Ministerio de Fomento de 2017. Entre as autoestradas polas que viaxan entre 20.000 e 30.000 vehículos ao día, é a terceira máis segura, só por detrás dos tramos Madrid-Ocaña e Villalba-Adanero.

Autoestradas do Atlántico SA (Audasa) investiu entre o 2015 e o 2018 máis de 22,2 millóns de euros en seguridade, mellora dos firmes, instalacións e áreas de peaxe. A empresa concesionaria destinou en 2018 algo máis de 65.000 euros por quilómetro en obras, seguridade e conservación da AP-9.

O investimento e melloras en seguridade é recurrente na AP-9, e un dos motivos do seu elevado nível de seguridade e baixa accidentabilidade. Entre 2016-18, Autoestradas do Atlántico SA (Audasa) investiu 287 millóns de euros en obras de aumento da capacidade da AP-9.

A AP-9 conecta 38 municipios galegos entre Tui e Ferrol

/in /by

A Autoestrada do Atlántico conta con 50 saídas e entradas de acceso que permiten conectar os 38 municipios que atravesa o seu trazado entre Tui e Ferrol, converténdoa nunha das autoestradas máis accesíbeis de España. O último é o inaugurado en marzo de 2019, en Santiago de Compostela, que posibilita a conexión da AP-9 coa Cidade da Cultura no quilómetro 70. O alto número de enlaces permite unha capilaridade que aporta conexión á dispersión poboacional galega, que conta con 93,5 habitantes por quilómetro cadrado.

O elevado número de accesos implica o despregue de 178 cabinas de peaxe, das que 30 son emisoras de tíckets, 50 son de telepeaxe, 69 de pago fácil e 29 con personal de atención directa con 124 profesionais ao teu servizo. Unha dotación de equipo e personal que garante a fluidez constante de tráfico e evita as paradas prolongadas, provocando un aforro de tempo e combustíbel para os usuarios.